Издумани Крлевизми: „Сончогледи, секој ден не е сончев!“

Афоризмите на афористичарот и сатиричар Атанас Крлевски за неделата гласат:

„Маѓу плитките, мисли длабоко!“

„ Модерни времиња: инфериорните се супериорни!“

„ Бумерангот е направен да ти се врати, но тоа не е доволно.“

„ Вечен талент – чиста загуба!“

„Афоризам? Пет збора – рој мисли!“

„Богаството со пари не се купува – рече крадецот.“

„Крајно непромислена е одлуката на мајмунот да стане човек.“

„Сончогледи, секој ден не е сончев!“

„Вештачка интелигенција? Природно си е природно!“

„ Ако си залутал, опасно е да стигнеш далеку.“

„Бидете често пред огледалото! Тоа е најдобриот психолог.“

„Кој знае сѐ – не знае ништо!“

„Најмногу учам од добрите книги и лошите луѓе!“

„Останав принц и откако ми го украдоа белиот коњ.“

„Откако ја пронајдов жената на моите соништа, сон не ме фаќа.“

Вашиот, Атанас Крлевски