Од полноќ бензините поскапуваат, дизелот поевтинува
Објавено: 29 јуни, 2026, во 14:29 часот
Цената на дизелот ќе се намали за 0,5 денари по литар, додека бензините ќе поскапат за ист износ, одлучи Регулаторната комисија за енергетика (РКЕ).
Со оваа одлука, просечното намалување на малопродажните цени на нафтените деривати изнесува 0,27 проценти.
Од полноќ, литар ЕУРОДИЗЕЛ БС (Д-Е V) ќе се продава по цена од 80 денари, ЕУРОСУПЕР БС-95 ќе чини 84,5 денари, а ЕУРОСУПЕР БС-98 86,5 денари за литар.
Цената на екстра лесното масло за домаќинство (ЕЛ-1) останува непроменета и ќе изнесува 79,5 денари за литар. РКЕ ја намали и цената на мазутот М-1 НС за 0,796 денари по килограм, па неговата нова цена ќе биде 41,495 денари за килограм.
Дума.мк
