Се степала брачна двојка во дом во Велес, употребиле дрвен предмет имало закани и со нож – двајцата се приведени во Полициска станица

Настанот се случил ноќеска, 45 минути по полноќ, во домот на сопружниците во Велес, каде започнала кратката расправија која преминала во физички напад со употреба на дрвен и закани со остар предмет како и за палење на семејниот дом. Имало и интервенција на полициски службеници, соопшти Сектор за внатрешни работи (СВР) Велес.

„На 13.08.2026 во 00:45 часот во Велес, полициски службеници од СВР Велес ги лишија од слобода Г.Е.(52) и неговата 49-годишна сопруга М.Е., двајцата од Велес. Според пријавеното, по кратка расправија во домот, Г.Е. физички ја нападнал M.E., а таа му возвратила со употреба на дрвен предмет. Исто така, Г.Е ѝ упатил закани со остар предмет и се заканувал дека ќе ја запали куќата со плинска боца, но бил спречен во намерата. Остриот предмет бил пронајден и одземен, а по преземени мерки и извршени проверки било констатирано дека Г.Е. бил под дејство на алкохол, односно му биле измерени 0,56 промили алкохол во крвта и бил задржан во полициска станица. Известени биле јавен обвинител и Центар за социјални работи Велес и по целосно расчистување и документирање на настаните ќе бидат поднесени соодветни пријави“.

Убавка Јаневска