Изложеноста на загаден воздух крие многу ризици
Долготрајната изложеност на загаден воздух, значително го зголемува ризикот од висок крвен притисок, покажуваат резултатите од истражувањето, цитирани од “Франс прес”.
Звучното загадување предизвикано од сообраќајот, исто така го зголемува овој ризик. Добиените резултати откриваат дека бројот на луѓето со висок крвен притисок на секои 100 луѓе е еден повеќе во најзагадените градски зони во споредба со помалку загадените населби. Ризикот е сличен со оној за човек со прекумерна тежина, чиј индекс за телесна маса е помеѓу 25 и 30.
Истражувањето опфатило 41.072-ца учесници во Норвешка, Шведска, Данска, Германија и Шпанија. Високиот крвен притисок е значаен фактор на ризик за болести, мозочни удари и предвремена смрт. Ниту еден учесник немал висок крвен притисок во почетокот на истражувањето. За време на него 15 отсто од учесниците сепак се пожалија од висок крвен притисок или почнале да примаат лекови за намалување на крвниот притисок.
Меѓу 2008 година и 2011 година научниците измериле дека загадувањето на воздухот во три одделни периода што е за време од две недели, целта била да се води сметка за сезонскиот ефект. Биле испитувани концентрациите на честички со различни големини во воздухот, вклучувајќи и оние кои продираат длабоко во белите дробови.
Се покажало дека секои дополнителни 5 микрограми од најмалите истражени честички го зголемуваат за 20 отсто ризикот од висок крвен притисок за луѓето во најзагадените градски зони во споредба со жителите во најмалку загадените населби. Што се однесува до звучното загадување, луѓето кои живеат во домови на улици со звучен ноќен сообраќај, се со 6 отсто поголем ризик од висок крвен притисок во споредба со оние кои живеат во населби во кои нивото на бучава е за 20 отсто повеќе ниско.
Средните нивоа на загадувањето се повисоки во Германија и Шпанија отколку во земјите од Северот. Најголема изложеност на бучава од сообраќајот е регистрирано во Шведска и Шпанија. Резултатите од истражувањето се објавени во European Heart Journal.
Извор: Локално.мк