Путин си ја намали платата
Објавено: 6 март, 2015, во 14:32 часот
Рускиот претседател Владимир Путин потпиша декрет со кој се намалува неговата плата за 10 проценти, како и платите на другите високи функционери. Кремљ денеска соопшти дека платите на Путин, премиерот Дмитриј Медведев, Јавниот обвинител Јуриј Шаика, и шефот на Истражниот комитет Александар Баструкин, ќе бидат намалени за 10 отсто.
Од 1 мај намалувањето на платите ќе важи и за вработените во администрацијата на Кремљ. Намалувањето доаѓа откако руската економија е силно погодена од големиот пад на цената на нафтата, што е главниот извоз на земјата и од ефектите на санкциите на Западот наметнати за мешањето на Москва во Украина.