Изгаснат пожарот Чаир
Објавено: 21 ноември, 2014, во 14:04 часот
Пожарот кој зафати најмалку четири станови во зградата со број 26, на улицата улицата „Цветан Димов“ во скопски Чаир е ставен под контрола – соопшти командантот на скопската Противпожарна бригада, Благоја Менковски, пренесува МИА.
Според станарите, на пожарот му претходеле 2 експлозии на петтиот кат, по што се проширил и на погорните катови. Десетина возила на противпожарните единици се уште се на местото на настанот, исто како и вработени од Брза помош кои им помагаат на станарите да излезат. Неофицијално, едно лице е префрлено во скопска клиника со изгореници по телото.