Општината ги утврди местата за плакатирање за претстојните парламентарни избори
Потпорни ѕидови, столбови за улично осветлување и метални огради. Ова се местата на кои политичките партии можат да ги лепат своите плакати за претстојните парламентарни избори. Но ниту овие места партиите не можат да ги користат без одобрување. Местата за плакатирање, политичките партии ќе ги добијат откако државната изборна комисија ќе ги потврди листите за пратеници.
„Чекаме од изборната комисија да ни ја достави листата за парламентарните избори и ние врз основа на таа листа ќе го направиме распоредот. Така да не може секој да поставува плакати каде сака ,туку каде тоа ние ќе го дозволиме„вели Елизабета Јовчевска, општина Велес.
Плакати и друг предизборен материјал не смеат да се поставуваат на места блиску до избирачките места. Не смеаат да се лепат ниту на културно – историски споменици, фасади и дрвја. А по завршувањето на изборниот процес, политичките партии се должни да ги отсранат поставените плакати, стои во одлуката за плакатирање.
„Тоа е законска обврска. Во рок од 30 дена секој што плакатирал треба да ги извади плакатите ,во спотивно комуналниот инспектор треба да покрене постапка против тој организатор нанизборната кампања„вели Јовчевска.
За сега политичките партии не ги користат утврдените места за плакатирање, туку ги користат само билбордите. Инаку општината, ваква одлука подготви и за учесниците во претседателската кампања.
„Праксата ни покажува друго. не секогаш и не сите се придржуваат до распоредот за плакатирање ,како и за отстранување на плакатите„вели Јовчевска.
Според планот за плакатирање, политичките партии нема да плаќаат за користење на просторот./Д.С