(ФОТО) Балерините на студио „Анабела“, викендов, најдобри на меѓународен натпревар
Седумдесет членови на балетското студио Анабела,од најмала возраст до најголемата група, викендов се натпреваруваа на Меѓународниот натпревар МАКЕДОНИЈА ОПЕН 2014. Во силна конкуренција, помеѓу 2000 учесници од цела Европа, велешките танчерски надежи со 5 групи ги освоија првите пет места во различни категории.
Тие беа вистинска атракција на натпреварот и од таму се вратија со медали за кои велат дека им се најдраги затоа што се последни.
– Нашите најмали балерини за прв учествуваа на натпревар но изиграа прекрасно и го освоија првото место во нивната категорија Шоу балет- категорија Мини кидс. Ми причинува големо задоволство што денеска можам да објавам дека и во категоријата деца Латино шоу малку поголемите балерини исто така освоија прво место од 4 пријавени групи во нивната категорија. Сме победници и во категорија Етно балет деца. Сите бевеме превозбудени од сите освоени први места , во публиката имаше многу наши родители кои како во Велес така и таму не бодреа и ни ја даваа нивната подршка, рече инструкторката Цеца Пајдакова.
Но тоа не беше се бидејки златен медал освои и малата Дора Пајдакова, во категоријата Шоу денс соло кореографија со балетската изведба на темата Ангел. Неа публиката и жирито постојано и ракоплескаа . Потоа и нај возрасната категорија Етно балет, големата група од Анабела, исто така го освои првото место.
Балерините велат дека овие од последната престижна и реномирана манифестација нема да бидат последни и бидејки сакаат уште награди неуморно и вредно ќе работат за да освојуваат нови. /Б.Н