Надлежните да ги почитуваат правата и слободите на децата со посебни потреби!
Децата од ПОУ Маца Овчарова испратија апел на денот на патронот на училиштето.
Преку песна, детска игра и цртежи, децата со посебни потреби од основното училиште Маца Овчарова денеска испратија уште еден апел до надлежните, да ги почитуваат нивните права и слободи. Да се направат што повеќе пристапни рампи, да има што повеќе толкувачи на знаковен јазичен говор и да се обезбедат специјализирани средства, бидејќи само така можат да се подобрат условите за живот на овие деца.
„Испраќаме уште еден апел дека сите деца се еднакви во светот, без разлика на нивниот хендикеп. И децата со посебни потреби се посебни и значајни, и само на овој начин можеме да ги подобриме условите во кои тие живеат и растат и стануваат дел од општествената заедница, рече Татјана Љапова“, директорка на ПОУ Маца Овчарова.
Децата од посебното училиште денеска во Младинскиот парк им покажаа на велешани дека и тие умеат и можат да бидат исти како останатите, достојни граѓани на заедницата.
„Една држава не се цени по тоа колкави и какви богатсва има туку по тоа како државата се грижи за децата со посебни потреби“, рече Љапова.
Повод за денешниот хепенинг што се одржа под мотото „Се работи за можности,, беше и патрониот празник на училиштето, кое слави 41 година од неговото постоење./Д.С