На територија на СВР Велес со ноќен радар спроведена акциска контрола, казнети 33 возачи

На Територија на Сектор за внатрешни работи Велес, во текот на вчерашниот ден, со посебно опремен радар за снимање во ноќни услови спроведена е четири часовна зајакната акциска контрола за санкционирање на возила кои се движат со брзина поголема од дозволената.

-Во период од 18:00 до 22:00 часот санкционирани се 33 возачи. Две возила се движеле со брзина над 50 километри на час повеќе од дозволеното. Притоа 21 возач ја пречекориле брзината во населено место, а 12 надвор од населено место, стои во соопштението на МВР.

Засилените акциски контроли продолжуваат и во наредните денови. Од МВР апелираат до сите учесници во сообраќајот да ги почитуваат сообраќајните правила и прописи и заеднички да се придонесе за побезбедни патишта.

Стефани Манева