Нормализиран сообраќајот кај патарина „Сопот“ откако беше во прекин поради голем одрон

Сообраќајот на автопатот Скопје – Велес е нормализиран, информира АМСМ во утринскиот извештај за состојбата на патиштата.

Сообраќајот беше во прекин од синоќа поради одрон на патот пред наплатната станица Сопот, а одронот создаде голема гужва. Дел од возачите се обидуваа преку шумски пат преку селото Ветерско да излезат од метежот.

АМСМ во утринскиот извештај соопштува дека сообраќајот на државните патишта се одвива непречено, по наместа влажни коловози.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Тоа посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Дума.мк