Обновено детското катче пред Здравствен дом Велес (фото)

Дрвена кула со четири мини платформи, внатрешни клупи во самата кула, ѕид со елементи за „алпинистичко“ качување, шипка за „пожарникарски“ спуст и лизгалка, се реквизити коишто од денеска ги поседува детското катче пред Здравствен дом во Велес. Просторот во околината е уреден и има песочник за игра.

Ова го донираа Евангелската црква во Велес заедно со граѓанската организација Линк Акрос Македонија. Тие сами не уморно работеа во изминатата недела се со цел просторот во којшто претходно имаше неколку детски реквизити да добие сосема нов изглед.

-Сега, останува ова да се користи и да се чува, за радост на многу дечиња, рече Пастор Филип Иванов.