Маркација на планински предели и туристички места во Вардарски плански регион

Ќе се одбележуваат десет планинарски патеките во должина од 139 километри  до планинарските домови ,  манастирите, планинските масиви и до историските и културните знаменитости  во Вардарскиот регион.  Ќе се постават патокази , показни табли , рекламни паноа и билборди со основните податоци за пределот во кој се наоѓаат.  Проектот  на планскиот регион има за цел да одбележи и  да постави  урбана опрема на седумте најатрактивни патеки ,од кои дури четири се во општините  Велес и Чашка.

– Со проектот се предвидува   да се изврши маркација на патеката до планинарскиот дом Чеплес, потоа  од домот  до врвот Солунска глава . Во реонот на општина Чашка маркација ќе биде извршена и на патеката до изворите на реката Бабуна  и  до планинарскиот дом Ораов Дол.  Во општина Демир Капија ќе биде одбележана кружната патека до пештерата Горни Змејовец, потоа  патеката од Неготино до Кожув и до планинарскиот објект Драгаја, рече Татјана Темелковска  од Вардарски плански регион.

Со реализацијата на овој проект се очекува да се привлече поголем интерес  на  љубителите на природата и да се зголеми бројот на домашните и странските туристи.

Лани во планинарските објекти во Вардарскиот плански регион претстојувале повеќе од 20.000 домашни и странски туристи. Тринаесетте  планинарски домови и десетината менастири, колку што ги има во овој регион,  располагаат со капацитет од 390 легла./Б.Н