Голем одзив на крводарителската акција со Мото клуб „Носачи на крстот“
Објавено: 10 април, 2023, во 11:12 часот
Вкупно 154 крвни единици беа собрани на вчерашната крводарителска акција одржана во Ликовен салон во Велес. Оваа шест часовна крводарителска акција беше во организација на велешкиот црвен крст и Мото клубот „Носачи на крстот“.
Во реализацијата на акцијата учество земаа десеттина волонтери од Клуб на млади при Општинската организација на Црвен крст и беше спроведена заеднички со два тима од Институтот за трансфузиона медицина од Скопје.
Од велешкиот црвен крст информираат дека ова е трета пролетна акција со Мото клубот на која се реализираа реорден број на дарувања.
Велешани повторно докажаа дека несебично, на секоја крводарителска акција ја подаваат својата рака и донираат од својата црвена течност којашто спасува животи.
Стефани Манева
