Издумани Крлевизми: За сиромавиот еден денар е два денари

Одвоите време и прочитајте ги афоризмите што за Вас, читателската заедница на Дума.мк, секој петок ги објавуваме а се напишани во изминатата седмица од афористичарот и сатиричар Крлевски. Тие гласат:

„Хуморот го прави животот во боја. Но има и црн хумор.“

„Од баналностите никој не избегал. Дури и Гинис.“

„Лавот ми е омилено животно, но никогаш не сум гушнал лав.“

„За сиромавиот еден денар е два денари.“

„Има и грди насмевки. Насмевките на лицемерните.“

„Умирањето од смеа го продолжува животот.“

„Во третото доба се доживува втора младост. Протезите не пречат.“

„Шегаџијата е добитник, а потсмевачот – губитник!“

„Квантитетот е квалитет на лагите. Една вистина, а многу лаги.“

„Жал ми е за паричникот и фрижидерот. Водат празен живот.“

Атанас Крлевски