Арамии крадат ракија од подрумите на кавадарчани
Објавено на 7 ноември, 2012 во 14:49
Во Кавадарци зачестија кражбите во подрумските простории.
Најчесто арамиите влегуваат во подрумите на стамбените згради и одземаат ракија и разни алатки, но се крадат и акомулатори од патничките и товарните возила. Вакви пријави секојдневно пристигнуваат во полицијата од каде се потврдуваат овие кривични дела.
Полицијата побара помош и од граѓаните. Апелираат до нив да превземаат посериозни мерки за обезбедување на својот недвижен и движен имот, како би се намалил ризикот.
“Сигурни сме дека со заедничка соработка превентивно ќе делуваме и навреме ќе ги санкционираме овие кривични дела“, велат од Полициска станица со општа надлежност Кавадарци.
