Македонците го овековечија споменот на претците во село Горица, Албанија!

Шеесетина  потомци на бегалците од Мала Преспа  кои сега живеат во повеќе градови во Македонија,  вчера поставија гранитен споменик  како вечен потсетник на  времето и чинот кога се избркани нивните претци од селото Горица.

На споменикот е изгравирана жена која во рацете држи мало дете, а до неа одат уште две мали деца како симбол на егзодусот кој се случувал пред 80 години. „За чест и слава, за храброста,  непокорот и патилата  на Горичаните кои во 1933 година заминаа засекогаш“ ова е текстот напишан на споменикот на македонски и албански јазик.

„Мала Преспа е еден простор со хомогено македонско население, кое во времето на турската имеприја било една етничка целина со сиот преспански регион, ресенско и леринско. За тоа најдобро сведочи дијалектот на кој зборуваат , носиите и обичаите  кои го имаат. “ рече професорот во пензија Милан Наумов од Кавадарци. Тој е еден од организаторите на оваа средба.

Наумов информираше  дека во селото Горица биле пречекани од нивните роднини, тамошни жители, а ги поздравил и градоначалникот на Пустец,  Едмонд Темелко./ А.Д