Најмалите кавадарчани се запознаа со полициските службеници од ОВР Кавадарци, нивните возила и опремата

Полициски службеници од Отсекот за превенција при Сектор за внатрешни работи Велес, вчера, со децата од предучилишна возраст од градинката „Рада Поцева“ во Кавадарци спроведоа превентивна активност со цел тие да се запознаат со улогата на полицијата.

-Децата беа гости во службените простории на ОВР Кавадарци, каде им беа презентирани секојдневните активности и работната атмосфера на полициските службеници, додека во паркот „Револуција“ на децата им беа презентирани полициските возила, како и дел од опремата која што се користи во секојдневното извршување на работни активности, соопштуваат од Министерство за внатрешни работи.

Стефани Манева