Општинската администрација на обука за енергетска ефикасност!

Се обучуваат вработените во општините од Повардарскиот регион за подготовка на проекти со кои ќе се подобрува енергетската ефикасност во јавните институции низ градовите. Целта е да се намали потрошувачката на енергија и трошоците и да се подобри сегашната состојба.

Центарот за развој на Вардарскиот регион, одржа работилница, на оваа тема во Неготино.

-„Позитивно кај овој проект  е што лицата кои работат во општините ќе бидат директно инволвирани во процесот на подготовка на овие документи и нивното спроведување се со цел поедноставување на процесот на изработка на програмите како и унифицирање на нивната содржина. Агенцијата за енергетика изработи упатство за изработка на програмите за енергетска ефикасност во кое конкретно е објаснето што треба да содржат програмите како  и табели кои се едноставни за пополнување и со кои се дава јасен преглед за заштедите на енергија“, рече директорот на Агенцијата за енергетика Лазар Гечевски.

Според него и покај тоа што изработката на документите е законска обврска, досега само половина од општините имале доставено тригодишни програми до Агенцијата за енергетика а само третина од нив имале доставено едногодишни акциони планови.

Ваквата состојба, според Гечевски, се должи на тоа што многу општини во РМ немаат доволно човечки и финансиски ресурси за водење на оваа проблематика./Б.Н.Т