Опожарена куќа на семејство од Тимјаник
Објавено на 29 декември, 2014 во 13:07
Пожар избувнал утринава во куќата на Страшо Стојков од неготинското село Тимјаник. Во неготинската противпожарна единица пожарот е пријавен во 03.40 часот. Пламените јазици зафатиле една соба и таванот, а целосно е уништена и покуќнина и бела техника.
Екипа на ТПП Неготино излегла на терен веднаш по пријавувањето на пожарот. Се интервенирало со едно возило и двајца пожарникари. Според кажувањето на командирот Иле Илиев пожарот бил локализиран за два часа и благодарение на навремената интервенција е спречено пламените јазици да зафатат и соседни објекти
Во текот на денот ќе се изврши увид и ќе се утврдуваат точните причини за пожарот. Според прични информации пожарот најверојтно е настанат поради проблеми со оџакот. /А.Д