Соборен рекордот: Еден починат и дури 63 новозаразени со Ковид – 19 во Тиквешијата

Едно лице на 78 годишна возраст од Кавадарци ја изгуби битката со коронавирусот, во текот на изминатите 24 часа, информира епидемиолог д-р Ристе Јовановски.

Денеска се постави нов рекорд на нови ковид позитивни во Тиквешијата за едно деноноќие.

Дека пандемијата во Тиквешкиот регин е во полн ек, без знаци за смирување, покажуваат податоците на Центарот за јавно здравје – Кавадарци, кои потврдуваат дека дури 63 нови лица се инфицирале со вирусот. Од таму дополнуваат дека ова не е конечниот дневен биланс, со оглед на тоа што резултатите од земени брисеви сеуште се обработуват.

Од новодијагностицираните најмногу, односно 40 лица се од Кавадарци, 17 се од Неготино, 4 од Росоман и 2 лица од Демир Капија.

Новите позитивни се на возраст од 3 до 70 години. информира епидемиолог д-р Ристе Јовановски.

На ковид одделот во кавадаречката болница се хоспитализирани 39 пациенти со средно-тешка клиничка слика во стабилна општа состојба.

Вчера во Кавадарци беа евидентирани 33 оздравени пациенти, а во Неготино 13.

Од почетокот на пандемијата до вчера во Кавадарци има вкупно 1187 позитивни на вирусот, а активни 469 случаи. Во Неготино активни се 293 случаи.

Мите Јаначков