Од вчера до денеска, тројца велешани пријавиле дека се каснати од бездомни кучиња

Во Полициска станица Велес за не полни 24 часа биле пријавени три каснувања од бездомни кучиња на различни локации во градот. Првата пријава вчера, на 2 април, ја поднел седумдесет и едно годишниот Д.И кој во полициска станица објаснил дека на улица „Благој Ѓорев“ бил каснат од бездомно куче.

Вториот случај бил пријавен ноќеска, 55 минути по полноќ, на 3 април, од страна на дваесет и пет годишниот Г.С од Чашка дека на истата улица, во близина на гимназијата „Кочо Рацин“ бил каснат од бездомно куче.

Последниот пријавен случај бил утрово во 07:00 часот. Дваесет и шест годишната М.К во полициска станица пријавила дека била касната во близина на спортската сала во Велес.

Дума.мк