Почината пациентка од коронавирус, се намалува бројот на лежечки болни во Општа болница Велес

Почината е една пациентка на 87 годишна возраст од Свети Николе, позитивна и лекувана четири дена во Модуларната болница. Во текот на вчерашниот ден од велешка болница транспортиран е пациент на 67 години во ковид центарот на Клиника за Пулмологија  во Скопје.

Денеска во Општа болница Велес вкупно се лекуваат 76 пациенти. Од нив 63 се потврдено позитивни, еден е сомнителен  и 12 пациенти се со негативен тест но задржани на болничко лекување.

Пациентите се лекуваат на Инфективно  35,во Модуларна болница 29, на Физикално седум и на Интерно одделение пет пациенти.

Од нив на кислородна поддршка се 36 пациенти.

Денеска испишани се седум пациенти како оздравени, со по еден негативен тест.

Убавка Јаневска