ДИК: Излезноста на референдумот изнесуваше во Општините Велес 30,41%, Чашка 40,55%, Градско 32,33% и Лозово 38,22%
Објавено: 1 октомври, 2018, во 15:25 часот
Државната изборна комисија ги објави резултатите од обработените податоци од сите избирачки места во општина Велес, Чашка, Градско и Лозово.
Во Општина Велес на вчерашниот референдум од вкупно запишани 46.110 грашани со право на глас излегле да гласаат и на референдумското прашање: „Дали сте за членство во ЕУ и НАТО со прифаќање на Договорот помеѓу Република Македонија и Република Грција?“ гласале 14.042 граѓани или во проценти 30,41%. Од нив 12.431 граѓанин или 88,53% гласале „за“ додека 1.088 граѓани или 7,75% гласале „против“.
Во општина Чашка од вкупно запишани 6.005 граѓани со право на глас на референдумот излегле 2.436 граѓани што значи дека излезноста во воваа општина изнесува 40,55%. Од нив 2.259 граѓани или 92,73% гласале „за“ додека 97 граѓани или 3,98% биле „против“.
Во општина Градско од вкупно 3.136 граѓани, евидентирани во единствениот избирачки список, излегле и гласале и својот став го соопштиле вкупно 1.014 граѓани поточно 32,33% . Од нив 888 гласале „за“ или 87,57% додека 81 граѓанин биле „против“ што изразено во проценти изнесува 7,99.
На референдумот во Општина Лозово излегле и гласале 779 граѓани или 38,22% од вкупно запишаните граѓани со право на глас. Од нив 577 или 74,07% гласале „за“ додека „против“ биле 133 граѓани што во проценти изнесува 17,07./У.Ј
