Професорката од Хемиското средно училиште само еднаш била на работа додека подолго време наставничката во основното „Васил Главинов“
Објавено: 17 септември, 2020, во 14:06 часот
17.09.2020
Два дена пред откриениот случај на заразен работник во основното училиште „Васил Главинов“ епидемиолозите од Центар за јавно здравје земале брис и го испратиле на анализа на професорка во ССОУ „Димитрија Чуповски“. Педесет и три годишната професорка само еднаш дошла на работа во училиштето.
-Професорката имала контакт со директорката и со дел од колегите. Резултатот од земениот брис е позитивен но таа е со лесна клиничка слика. Според информации на директорката на училиштето состанокот се одржал според протоколите за заштита од Ковид-19 и со почитување на мерки на претпазливост. Епидемиолошката анкета покажа дека нема потреба од ставање во изолација на други професори и вработени во училиштето, рече д-р Билјана Петрова епидемиолог на Центар за јавно здравје Велес.
Два дена подоцна, на 14 септември, била тестирана и четириесет и пет годишната наставничка од ООУ „Васил Главинов“. Нејзиниот резултат исто така бил позитивен и таа била со лесна клиничка слика. Но поради тоа што таму наставниците подолг временски период оделе на работа и имале меѓусебни контакти, еидемиолозите, препорачале освен домашно лекување за заболената, под секојдневен надзор на матичен лекар, во изолација да бидат ставени и 10 наставници од колективот.
-Епидемиолошките анкети покажаа дека е потребна изолација на 10 наставници поради секојдневни контакти со заболената наставничка. Исто така е испочитувано и барањето на директорот на институцијата, додаде д-р Трајкова.
Согласно новите протоколи на Министерството за здравство заболените како и наставниците во изолација ќе седат 10 дена дома. Доколку не се влоши здравствената состојба на заболените и не покажат симтоми изолираните ќе можат сите да се вратат на работните места./У.Ј
