Вонредна дезинфекција на Велес по вчерашната констатација на Кризниот штаб за алармантна состојба со коронавирусот во градот
Објавено: 22 октомври, 2020, во 13:20 часот
22.10.2020
Со оценката за алармантна состојба во со Ковид-19 во градот, Кризниот шатаб, вчера донесе одлука а денеска општината започна со вонредното дезинфицирање на главните и споредните но подолги како и во исто време фреквентни улици.
Вработените во ЈКП „Дервен” и пожарникарите на Територијалната противпожарна единица на Велес, ги дезинфицираат и јавно-прометните површини, особено просторите пред сите поголеми маркети, Железничката станица, пазарот во Нова населба, плоштадите „С’рмаале”, „Којник” и „Панко Брашнаров”. Се дезинфицира и просторот пред комплексот банки во центарот на градот, градскиот парк и рекреативната патека потоа Младинскиот парк.
Со возила се реализира дезинфекцијата на улиците „Благој Ѓорев” и „8 Септември” заедно со тротоарите како и улиците „Максим Горки”, „Вера Циривири” и „Димитар Влахов”.
– Со денешната дезинфекцијата се преземаат мерки за заштита на граѓаните од ширење на Корона вирусот и доколку биде потребно постапката ќе се повторува, рече градоначалникот Аце Коцевски./С.А
