Вкупно 68 ковид пациенти, денеска, на лекување во велешка болница каде има инфициран здравствен персонал
5.11.2020
Педесет и двајца пациенти се лекуваат од коронавирус , денеска, на Инфективно одделение во Општа болница Велес. Од нив 47 се потврдено позитивни додека петмина се сомнителни. Петнаесет пациенти се на кислородна поддршка. Од ова одделение денеска е испишан еден пациент, со два последователни негативни тестови.
На Интерно одделение, каде од вчера на Б тракт се лекуваат по пациенти со полесни симптоми на Ковид-19, хоспитализирани се вкупно 16 пациенти од кои само двајца се позитивни додека останатите 12 се сомителни. Има и двајца негативни пациенти со тешка клиничка слика и наод на масивна пнеумонија. На овој болнички оддел тројца пациенти се на кислородна поддршка.
Како што дознава Дума.мк денеска ковид позитивни се и двајца лекари, специјалисти по интерни болести, тројца ренген техничари, по една медицинска сестра од Одделението за очни болести и од Одделот за анестезија.
Портпаролката на Општа болница, др Весна Николовска Неделкова најави дополнителна информација на барањето на Дума.мк за вкупниот број на заболени медицински персонал како и на вработени во техничката служба.
Убавка Јаневска
