Почина маж, на 78 години, од Велес потврдено позитивен на Ковид-19 во болнички услови

26.11.2020

Велешанецот починал вчера вечер околу 20 часот откако бил примен на Инфективно одделение во велешка болница поради здравствени проблеми но со направен тест на коронавирус било утврдено дека е позитивен. По тридневно болничко лекување од Интерсно бил префрлен на Инфективно одделение. Таму се лекувал 5 дена од Ковид-19. За жал вчера вечер починал.

Тој е 61 жртва на коронавирусот, од почетокот на епидемијата, во велешко.

Според др Весна Николовска Неделкова денеска во Општа болница Велес се лекуваат вкупно 71 пациенти.

-Од вкупниот број 60 се позитивно потврдени , 4 сомнителни и 7 со негативни тестови. На кислородна поддршка се 27 пациенти. Пациенти на Инфективно се 48, на Физикална 16 и на Интерно 7 лица, рече портпаролката др Николовска Неделкова.

Таа додаде дека Интерно одделение во велешка болница официјално не е Ковид одделение туку таму само се прифаќаат пациентите кои имаат потреба од дополнително лекување а кои веќе имаат негативни тестови. Од пациентите кои се хоспитализираат на интерно поради други болести а во меѓувреме се тестираат и се Ковид позитивни лекувањето го продолжуваат на Инфективно одделение.

Стоилко Андреевски