Чадиев: Вчерашните обвинувања на СДСМ манипулација и паушални тврдења
Обвинувањата на опозицијата дека буџетот за 2013-та година е слабо реализиран се само манипулација и паушални тврдења во недостиг на аргументи. Вака денеска градоначалникот Славчо Чадиев одговори на обвинувањата на СДСМ.
Според Чадиев ланската година била успешна за општината со реализирани над 120 проекти, додека со обвинувања, опозицијата сакала само да го прикрие незадоволството кај граѓаните.
– Процентот од реализација за нив е забуна, затоа што за нивното дваесет годишно владеење во Велес немаат направено толку реконструкции и проекти колку што сега се прават. Нема општина во македонија па и пошироко каде што не се прават и по неколку ребаланси на буџетот. Јас ќе ги потсетам само дека во периодот од 2000 до 2009 година, во една од тие години имаше дури и три ребаланси, рече Чадиев./Д.С