Награди наместо казни бараат приватните лекари
Приватните лекари во Македонија сметаат дека се ригорозни и високи казните што министерството за здравство им ги наметна со измените во законот за медицинска едукација. Тие бараат наместо да им се одземаат дваесет посто од годишната капитација ако не посетат една или за две работилници исклучување од мрежата да бидат наградувани. Наградите да се вметнат во закон.
– Ние предлагаме наместо казни да има награди за лекарите, бидејќи така ќе имаме поквалитетно здравство. Пациентите ќе бидат задоволни а и ние исто така. Ние не сме против едукација и ние сакаме ако имаме можност да отидеме во странство и да видиме како таму работат нашите колеги, рече д-р Лили Чокакова, претседател на Приватните лекари на Македонија.
Таа тврди дека едукацијата во Лекарската комора е на високо професионално ниво а сите лекари ги посетуваат работилници. Тоа е услов кој треба да се исполни за обновување на лиценца за работа.
Од еснафот бараат подобра координација помеѓу лекарската комора, министерството за здравство и лекарите.
– Многу е скапо да се истудира еден квалитетен лекар во една земја. Ние не треба да дозволиме со вакви притисоци да размислуваме за да заминеме од земјава и да бараме работа во друга земја, рече Чолакова.
Таа вели дека и лекарите специјалисти треба да бидат вклучени во едукацијата./Д.С