Теорија во Коле Неделковски, пракса во Станислав Сташица
Средношколците на размена со нивните врсници од Полска. Освен размена на ученици и професори, двете збратимени средни училишта „Коле Неделковски“ и „Станислав Сташица“ од Новогард во Полска, ќе соработуваат на заеднички проекти и конкурски. Менаџерите на училишатата прават напори нивните ученици, својот практичен дел од наставата да го изучуваат во збратименото училиште.
Така велат тие, ќе се стекнат со уште поголеми изкуства и знаења.
„Сакаме да ја продлабочиме соработката со нашето збратимено училиште, бидејќи од досегашното искуство увидовме дека нашите деца од таму се враќаат со позитивни и различни искуства, па затоа сакаме што повеќе од нив да испратиме таму. Секако се разбира и од таму да ни доаѓаат ученици и да учат од нашиот практичен дел, рече Валентин Елисковски, директор на ССОУ Коле Неделковски.
„Убаво е кога децата ги разменуваат искуствата, особено важна е праксата, која е значаен дел од нивното понатамошно образование или пак идно вработување, рече Стефан Шитковски, директор на Станислав Сташица, Полска.
Соработката меѓу двете стручни училишта трае веќе три години. Досега педесетина ученици од средното Коле Неделковски заминале во посета на полското средно училиште. Во посета тука дошле исто толку ученици од Новогард./Д.С