СМС пораките за успехот и поведението на учениците дава солидни резултати, тврдат педагозите
Наместо да издвојат време, да отидат на училиште и да го проверат успехот на нивното дете, родителите се спасија. Сега оценките како и поведението го добиваат на е-маил или преку СМС пораки. Еднаш неделно на мобилните на родителите стасуваат пораките од училиштата, па тие почесто имаат увид за тоа каков успех постигнува нивното дете.
Според надлежните овој начин на известување е функционален и покажува резултати. Не само што се подобрувал успехот кај учениците, туку и поведението одело во нагорна линија.
– Според нашите анализи успехот се подобрува кај учениците ,а истоа така и поведението. Во училиштето имаме се помалку оправдани и неоправдани изостаноци. Затоа сметаме дека ова е добра иницијатива ,за која поддршка добиваме и од родителите,рече Пандорче Јорданова, педагог во СОУ „Коле Неделковски“.
Информации за успехот и поведението добиваат сите родители без разлика дали се на проблематични или пак на најуспешни ученици. Веднаш штом наставникот ги заведе податоците во електронскиот дневник, тие стигнуваат кај родителот.
– На два начини се правизвестувањето по е-маил и по СМС порака во заисност од тоа како родителите навеле дека сакаат да ги добиваат,рече Јорданова.
Сите училишта имаат обврска да испраќаат пораки за поведението и успехот на учениците. Првичните информации покажуваат дека ваквиот начин на известување е на задоволство на двете страни и на училиштата и на родителите, бидејќи може на време да се реагира доколку настане каков било проблем./Д.С