Возачите во Велес не им давале предност на противпожарните возила во метежот на градските улици, пожарникарите апелираат за почитување на правилата

Територијалната противпожарна единица Велес, попладнево, во 15:22 примила дојава за запален трактор во блоковите над село Уланци. Четири пожарникари со две протипожарни возила се упатиле кон локацијата на пожарот и интервенирале во гаснењето. Пожарот бил изгаснат.

Но, противпожарните возила едвај успеале да се пробијат низ сообраќајниот метеж на велешките улици. На возилата не им била дадена предност од голем број на возачи во Велес. Затоа од ТППЕ Велес упатија апел до граѓаните.

„АПЕЛИРАМЕ до нашите сограѓани да бидат присебни во метежот низ градот и кога гледаат против пожарни возила да им отстапуваат пат за да можат да бидат по ефикасни на интервенциите каде што се упатени.“

Исто така пожарникарите апелираат до граѓаните доколку забележа пожар да се јават на бесплатниот телефонски број 122.

Убавка Јаневска