Вработени и родители во ООУ „Св. Кирил и Методиј“ даруваа крв

Триесет и девет крвни единици беа собрани денеска, на крводарителската акција во основното општинско училиште „СВ. Кирил и Меториј“. Истата се реализира по повод претстојниот патронен празник на училиштетот, 24 мај, денот на Ден на сесловенските просветители и учители. Вработени, родители на ученици но и граѓани од Велес ја подадоа својата рака и даруваа од својата крв со цел да спасат човечки живот.

Според Црвен крст Велес оваа крводарителска акција е многу успешна и со нејзина реализација продолжува традицијата во ова училиште да се реазлизира еднаш годишно, како што беше и пред пандемијата со Ковид-19.

Крводарителската акција заеднички ја изведоа Црвен крст на РСМ Општинска организација Велес и Институтот за трансфузиона медицина од Скопје.

Стефани Манева