Победа на ГOK„ Борец“ во Тетово

 Во натпревар од второто коло на плеј офот од првата одбојкарска лига на Македонија велешки „Борец“ стигна до важна победа на гостувањето во Тетово. Совладана е „Лирија“ со 1:3 по сетови 24:26, 25:18, 22:25 и 24:26. Ова беше интересен и неизвесен натпревар во кој велешките одбојкари беа подобри и заслужено стигнаа до победата.

Дарко Николов  еден од тренерите во „Борец“ за Дума изјави:

„Двете либера не можеа да настапат па бидејќи сум пријавен како играч настапив. Одигравме солидно и ја исправивме неправдата од редовниот дел на првенството кога и покрај победата со овој противник сребата ја загубивме на зелениот стол. Самиот натпревар помина во интересна игра во која бевме помотивирани и бевме подобри.”

Покрај сениорите играа и кадетите на ГОК „Борец“. Тие на третиот турнир,што се одигра во Велес, добија два натпревари и сега имаат скоро 6 од 6. Со ова само се потврдува добрата работа во клубот и со младите категории.

Лазар Лазаровски