Македонец се обидел да шверцува 3590 таблети трамадол преку граничен премин Табановце
![](https://duma.mk/wp-content/uploads/2024/02/слика-4-1024x1024.jpeg)
Мобилен тим спречи шверц на 3590 таблети трамадол откриени во личен багаж на еден патник при контрола на автобус на граничен премин Табановце, соопштија од Царинска управа
-Во моментот кога автобусот е ставен на мобилен скенер, при што секој од патниците го извадија својот личен багаж надвор од автобусот, патникот се обиде да го искористи моментот и ја фрли торбата преку жичаната ограда на царинскиот терминал Табановце. Во ова е воочен од страна на еден од инспекторите, при што веднаш беше тргнат на детална контрола. Во неговиот личен багаж, во ракави на блузи, ногавки на фармерки и во чорапи се откриени вкупно триста педесет и девет ленти со по десет апчиња Дорета коишто содржат 75 мг Трамадол хидрохлорид, додаваат од Царинска управа.
![](https://duma.mk/wp-content/uploads/2024/02/слика-6-1024x1024.jpeg)
Случајот инаку е откриен на излез од државата, а автобусот сообраќал на редовна линија Македонија-Данска.
Против патникот, инаку македонски државјанин е поднесена соодветна пријава.
Дума.мк
![](https://duma.mk/wp-content/uploads/2021/05/SEMM.jpg)