Разрешени и именувани нови директори на неколку институции
10.11.2020
На предлог на Министерството за култура, владината прес-служба информира дека Владата денеска донела решение за именување на претседател и членови на Националниот совет за културното наследство.
Од таму информираат дека во однос на кадровските решенија, Владата ја именуваше Јасна Дуковска-Јегени за член на Советот за унапредување и надзор на ревизијата на Република Северна Македонија–овластен ревизор.
Дениз Исмаили го разреши од должноста в.д. директор на Управата за наменско производство, а на негово место го именува Емил Димитровски за в.д. директор.
Митко Крстевски го разреши од должноста директор на Управата за семе и саден материјал, а го именуваше Лутфи Акики за директор.
Владата на денешната седница ја прифати оставката на Бајрам Ѓулиовски и го разреши од должноста в.д. заменик на директорот во Агенцијата за стоковни резерви, на негово барање.
Кети Смилевска ја именуваше за в.д. заменик на директорот во Агенцијата за стоковни резерви.
Владата ја прифати оставката на Александар Младеновски и го разреши од должноста директор на Дирекцијата за технолошко индустриски развојни зони, на негово барање и го разреши Никола Шалваринов од должноста директор на Агенцијата за иселеништво.
На денешната седница беа донесени и одлуки за именување на Слободан Близнаковски за директор на Агенцијата за иселеништво и Иљми Селами за в.д. заменик на директорот во Државниот завод за статистика.
