Со армиски возила ќе се превезуваат ковид пациенти

Објавено на 12 ноември, 2020 во 09:30

poliklinikaBukurest fin

12.11.2020

Во кругот на поликлиниката Букурешт денеска ќе бидат предадени воено санитетски возила од Армијата на времено користење на јавното здравство со цел да се помогне во справувањето со пандемијата и грижата за населението.

На предавањето на возилата ќе присуствуваат министрите за одбрана и за здравство, Радмила Шекеринска и Венко Филипче.
Уште од месец јуни Армијата на Република Северна Македонија со поддршка е вклучена во тестирањето на граѓаните од коронавирусот.

Тим од техничкиот персонал од Воено медицинскиот центар е на терен, во асистенција на екипите од Центарот за јавно здравје (ЦЈЗ) да им помагаат при земањето на брисеви за тестирање од вирусот ковид-19.

Дел од ресурсите и од средствата на Армијата ќе се ангажираат како невооружени сили на извршување на задачи за поддршка на институциите на државата при справување со последиците од пандемијата на Ковид-19.

Согласно наредбата на претседателот Пендаровски, која стапи на сила на 5 ноември, Генералштабот на Армијата ќе ангажира сили и средства за медицинска поддршка на работата на здравствените установи и центри на Министерството за здравство, транспорт на заштитни и медицински средства и опрема.

Армијата ќе помага и за обезбедување на магацински простор за складирање на заштитни и медицински средства и опрема, поставување на шатори и друг вид на сместувачки капацитети наменети за лекување на заболени лица, како и за дезинфекција на простории и површини.

 

Сподели:

Напиши коментар

Станете член на ДУМА.мк и споделете го вашето мислење преку коментар. Кликнете тука за да се најавите.