Нов бран на дождови во Македонија, ќе наврнат количини и од над 50 литри дожд
Објавено: 4 декември, 2025, во 08:39 часот
„Под влијание на циклонска активност со центар над Медитеранот и на серија влажни воздушни бранови до сабота, 6 декември, во Македонија времето ќе биде облачно со повремени врнежи од дожд кои особено во западните и во јужните предели повремено ќе бидат обилни и локално во овие предели ќе наврнат од 30 литри до над 50 литри. На планините над 1600/1700 метри надморска височина повремено врнежите од дожд ќе преминуваат во снег и ќе се формира снежна покривка.
Во Скопје и околината за време на овој период ќе има повремени врнежи од дожд кои во делови од котлината повремено ќе бидат пообилни и ќе наврнат над 25 литри дожд.
За време на овој период ќе дува слаб до умерен ветер кој повремено ќе биде засилен, од југоисточен а потоа од северен и од североисточен правец.
Температурите нема многу да се менуваат. Наутро насекаде ќе се движат над нула а преку ден ќе се искачуваат во интервалт од 6 до 14 степени. Во Скопје и околината температурата ќе се искачува до околу или малку над 10 степени, соопшти метео прогнозерот Славчо Поповски.
Дума.мк
