Од РКЕ ги повикуваат трговците на трпеливост и солидарност: Дизелот требаше да поскапи – напрвивме баланс

Доколку во вчерашната одлука за зголемувањето на цената на нафтените деривати реално ги земеле сите параметри, како што велат од РКЕ цената на дизелот би се зголемила за 10,5, а на бензините за 5,5 денари за литар.

Од РКЕ ги повикуваат трговците на трпеливост и солидарност и најавуваат дека маржата ќе им биде вратена веднаш кога ќе се создадат услови за тоа.

Маржите како што велат ги намалиле за дури 33% па така ако досега во просек маржа за трговецот изнесувала околу 4,5 денари од литар, сега таа е намалена на 3 денари од литар и така се направил тој баланс.

Од РКЕ исто така информираат дека одлуки за цените на горивата ќе се носат секој ден, но само доколку се исполнат условите. А условите се дека промена на цената на горивата ќе има доколку треба промената на цената да биде за повеќе или помалку од 2 денари од постојната цена. Што значи дека според пресметките ако треба да има промена помала или поголема од 2 денари во тој случај нема да се прави промена на цената, но доколку разликата во цената е поголема од тие плус или минус 2 денари од постојната цена ќе се донесе нова одлука со тоа што ќе има нови цени.