Борисов го поздрави ратификувањето на Договорот за пријателство, добрососедство и соработка
Објавено на 15 јануари, 2018 во 16:18
Бугарскиот премиер, Бојко Борисов го поздрави ратификувањето на Договорот за пријателство, добрососедство и соработка меѓу Република Македонија и Република Бугарија кој денеска беше одобрен во македонското Собрание.
Борисов се обрати преку својот фејсбук-профил од Азербејџан, каде што е во официјална посета.
„Го поздравувам парламентот на Република Македонија, кој денеска го ратификуваше Договорот за пријателство, добрососедство и соработка меѓу Република Македонија и Република Бугарија. Со тоа покажаа дека желбата да изградиме модерни, европски односи на пријателство и доверба е заедничка“, напиша бугарскиот премиер.
