Граѓаните на Центар задоволни од работата на градоначалникот Андреј Жерновски

Ова го покажала телефонската анкета на агенцијата Рејтинг спроведена од 20 до 23 декември, преку која биле испитани 850 граѓани, од кои 58,7% позитивно ја оцениле работата на актуелниот прв човек на Центар, а 29,7 рекле дека се незадоволни од работењето, пренесе 24 Вести.

Ревизијата на проектот Скопје 2014 која беше едно од клучните ветувања на Жерновски во изборната кампања ја одобриле 60,6% од анкетираните, а 20,7 отсто не ја одобруваат истата.

44,7 отсто од анкетираните сметаат дека при реализација на проектот и јавните набавки за спомениците во Центар имало злоупотреба на надлежностите, а сличен процент од 44,5 отсто сметаат дека апсењето на претседавачот на општина Центар, Мирослав Шиповиќ е направено за да се блокира работата на општината -покажала анкетата на Рејтинг.