Волерс: За бојкотот на изборите решаваат партиите и гласачите
Објавено на 13 февруари, 2014 во 15:20
Амбасадорот на САД во Република Македонија Пол Волерс смета дека бојкотот на претседателските избори, што го побараа некои невладини организации од албанските политички партии во земјава е прашање за кое решаваат самите партии и гласачите.
На новинарско прашање на оваа тема амбасадорот Волерс по посетата на општина Врапчиште кусо изјави: „денес нема да дискутирам за внатрешната политика. Тоа е прашање за кое што ќе одлучуваат гласачите во Македонија и политичките партии“.
Тој при неговата посета на општина Врапчиште денеска беше примен од градоначалникот Бајрам Кадрија. На средбата дискутирале за актуелните состојби, децентрализацијата и можностите да се поддржат некои проекти кои би биле од корист на жителите во оваа полошка општина.
