Продолжува врнежливото време, од пладне очекувајте и грмежи
Објавено на 31 мај, 2023 во 09:39

Променливо облачно со повремен дожд. Локално ќе биде нестабилно со пороен дожд, грмежи и засилен ветер. На места ќе има поинтензивни процеси во форма на краткотрајно невреме со силен ветер, електрични празнења и изолирана појава на град.
Во следните денови во претпладневните часови ќе се задржи сончево време со мала до умерена облачност, а во попладневните променливо облачно и нестабилно со локален пороен дожд и грмежи.
На места процесите ќе бидат поинтензивни во форма на краткотрајно невреме со интензивен дожд, силен ветер, електрични празнења и појава на град.
Дума.мк
