Земјотрес од 7,8 степени на југот на Турција, троцифрен број на жртви (ВИДЕО)

Страшен земјотрес го погоди југот на Турција рано утринава, околу три часот по локално време, кој зад себе остави пустош, повредени, зажал починати лица и голем број од оние кои останаа затрупани под купот урнатини и бетон.

Епицентарот, како што е соопштено, се случил на 3 километри од градот Газинтепе на длабочина од 10 километри. Првиот земјотрес бил со јачина од 7,8 степени според Рихтеровата скала, а следниот што следеше час, час и половина подоцна бил со јачина од 6,7 степени според Рихтеровата скала.

Според снимки направени од граѓани, најпрво се слушнал силен татнеж а потоа се почнало да се тресе и да се урива, зградите паѓале исто како кули од карти.

The City of İskenderun in Southern Turkey has suffered some of the most Severe Damage caused by the Earthquake, there are reports that Fire and Rescue Crews are unable to get to many parts of the City with 100s if not 1000s of people expected to still be under collapsed buildings pic.twitter.com/kMV2hgEBXZ

— OSINTdefender (@sentdefender) February 6, 2023

Првите прелиминарни податоци покажуваат дека само на југот на Турција се уништени или урнати 130 згради. Колапс на згради е евидентиран и во Шрија, но засега нема детални информации за тоа.

Кога осамна утрото, обемот на уништувањето предизвикан од земјотресот на југот на Турција беше прикажан како ужасни слики, како да е апокалипса по бомбардирање. Во некои градови, цели згради се срамнети со земја.

Освен Газинтеп, најлошо настрада и градот Искендерум, каде што буквално беа урнати и срамнети со земја повеќето згради. Има информации дека пожарникарите и спасувачите не можат да стигнат на секое место бидејќи се урнати голем број згради и објекти. Се стравува дека бројот на жртвите ќе се мери во илјадници.

Третиот град кој претрпе страшни разурнувања во двата силни земјотреси на југот на Турција е Кахраманмарас. Утрото, по два силни удари, зградите изгледаа како градот да претрпел страшни разурнувања во ноќното бомбардирање.

Footage of the immense damage in the turkish city of Kahramanmaraş following tonights earthquake.

pic.twitter.com/nVFXHhcUIR

— Faytuks News Δ (@Faytuks) February 6, 2023

Турските власти упатија официјален апел до светската јавност дека на земјата ѝ е потребна сета помош, пред сè од медицински лица и спасувачи, за да им се помогне на настраданите на југот на Турција и да се зголемат шансите повредените и преживеаните да бидат спасени од купот бетон.

Во разорниот земјотрес што рано утринава ја погоди пограничната област меѓу Турција и Сирија, повеќе од 230 луѓе загинаа во Сирија, а повеќе од 600 се повредени, изјави помошникот сириски министер за здравство, Ахмед Дамирие.

Тој на сириската државна телевизија изјави дека бројот на загинати се искачил на 237, а повредени се 639 лица, пренесува „Ројтерс“.

Претходно беше соопштено дека во Турција, каде што бил епицентарот на земјотресот, загинале 76 лица, а повеќе од 400 се повредени.

Дума.мк