Обложувалниците предвидуваат победa на Украина на Евровизија!
Објавено на 11 март, 2022 во 10:27
Претставничката на Украина, оркестарот Kalush и нивната песна „Стефанија“, е фаворит на обложувалниците за победник на овогодинешното издание на песна за Евровизија.
Оркестарот е нов проект на членовите на популарната украинска хип хоп група Kalush. Овој бенд комбинира елементи на рап и традиционална украинска музика во нивните песни.
Песната „Стефанија“ со која ќе ја претстави својата земја на Евровизија, оркестарот Kalush им ја посвети на сите мајки кои се жртвуваат за своите деца.
Потсетуваме дека првата полуфинална вечер на овогодинешниот избор за песна на Евровизија ќе се одржи на 10 мај во Торино, додека второто полуфинале е закажано за 12 мај.
Андреа со песната „Circles“ ќе ја претставува Македонија оваа година.
