Најстарата жителка на светот наполни 118 години
Објавено: 4 јануари, 2021, во 09:36 часот
4.01.2021
Кејн Танака, жител на Фукуока, која според записите на Гинисовата книга на рекорди е најстарата жива личност во светот, наполни 118 години.
Кејн, Јапонка родена на 2 јануари 1903 година, која живее во дом за стари лица во Фукуока, западна Јапонија, го прослави својот 118 роденден.
Таа изрази надеж дека ќе доживее 120 години.
Кејн, која редовно вежба, изјави дека не ги прескокнува дневните оброци, а за време на пандемијата, не се среќавала со членовите на семејството.