Porsche и Tag Heuer создадоа нов рачен часовник со револуционерен дизајн (ВИДЕО)
Објавено: 8 февруари, 2021, во 12:43 часот
08.02.2021
Tag Heuer Carrera Porsche Chronograph внесува апсолутна новина во светот на часовниците.
Првиот часовник создаден во новата соработка помеѓу реномираниот производител на автомобили и часовници е часовник што може да стане вистински хит.
Врежаниот натпис на Порше е видлив на работ, а непогрешливиот фонт се користи и за временските ознаки. Боите на Porsche, црвена, црна и сива – кои исто така потсетуваат на историските модели на Heuer – се вградени во часовникот, а преку проѕирната кристална позадина јасно се гледа осцилирачката маса редизајнирана како почит на прославениот волан на Porsche. Содржи натписи „Порше“ и „ТАГ Хеер“.
Верзијата со кожен ремен чини 5550 евра, додека изборот на метален ремен е по цена од 5700 евра.
Површината, која изгледа како да потсетува на асфалт, е создадена специјално за овој часовник и изразува страст кон патиштата, додека арапските бројки потсетуваат на броевите на таблата со инструменти на спортските автомобили Порше. Часовникот доаѓа на мека лента изработена од луксузна телешка кожа и иновативни споеви што потсетуваат на ентериерот на Порше или на каиш изработен од меѓусебно поврзани делови што рефлектираат модернизиран дизајн на трките.
Во центарот на часовникот е внатрешно развиен механизам Caliber Heuer 02 со импресивна 80-часовна резерва на енергија.
Мите Јаначков