Submit to FacebookSubmit to Google PlusSubmit to TwitterSubmit to LinkedIn

За вечните љубовни дилеми и страданија, за љубовта која не прави да постоиме, да живееме, да се радуваме бидејќи од љубов се раѓаме и за љубов умираме пишува во својата прва стихозбирка „Недопрена“ поетесата Гордана Б. Николовска. Таа со вешто и прецизно одбрани зборови ги опева љубовните човечки чувства, посветени им се на вљубените  и ги храбрат одљубените дека на нивниот пат ќе има само добри луѓе подготвени да љубат. Сите стихови во „Недопрена“, меѓу кои првите се посветени на синот, Николовска ги напиша за триесет денови.

„Oваа стихозбирка е многу емотивна, поседува елегија и лирика, што мене ме напои со жар и љубов. Додека ги читав песните на Николовска чувствував трпки по телото  исто чувство ми се појави како кога го читам Жак Превер.  Значи и Македонија има поет со кој може да се гордее. И навистина ми е драго што во светот на препознатливите, на талентираните, на уметниците, на писателите на голема врата влегува нашата Горде. Ти посакувам оваа твоја стихозбирка да биде еден мал чекор на тоа што допрва следува. Но, ова е многу голем чекор кој ја покажува силата на еден човечки карактер на отворено, искрено од душата создадени стихови и ставени на дланка. Тоа се разбирливи стихови кои ве носат во нејзина близина, до нејзиното срце,“ рече  промоторката  Гордана Такец.

Поетесата со стиховите во „Недопрена“ допира до најдалечната точка на човечката емоција. Особено до луѓето кои љубеле, биле отфрлени, биле маргинализирани во својата тивка потајна љубов кон некого кому ништо не му признале или биле многу пати повредувани.

„ Оваа стихозбирка фасцинира. Токму затоа мислам дека треба да ја има секој возрасен, зрел човек кој ги минел сите фази на љубовта но и оние кои допрва ќе минат низ сите патишествија и низ сите тестови на кои не става љубовта. Без разлика дали сме млади или повозрасни. Сакам да му порачам на вашиот град, да ја искористи оваа млада дама со сите нејзини интелектуални капацитети, потенцијали и квалитети како еден од малкуте амбасадори што ќе ја шират културата во земјата и светот. Неа ќе и посакам ова да биде првата скала од облакодерот кои и претстои,“ рече промоторката Сузана Турунџиева.

Авторката, промоцијата на книгата „Недопрена“ во Велес, ја започна со емотивно обраќање. Таа ги сподели своите чувства со гостите говорејќи ги своите стихови.

„Оваа стихозбирка им ја посветив на сите кои љубеле, љубат и ќе љубат. Оние кои што ја изгубиле љубовта, оние кои ќе ја најдат љубовта, ќе возобноват стара љубов затоа што надежта е таа што треба да ги води сите. Човекот никогаш не смее да изгуби надеж ни за своите сонови ниту за своите мисли. Едноставно треба да им се препушти,“ рече Николовска.

На промоцијата се продадоа првите примероци од стихозбирката „Недопрена“. Авторката дел од сретставата од продажбата му ги намени на велешанецот Винко Симитчиев, на осамениот сограѓанин кој болеста и сиромаштијата го затворија во четирите ѕида на неговиот дом.

Сега лично од Николовска а потоа љубителите на поезијата книгата ќе можат да ја купат во продажната мрежа на „Табернакул“ и во други книжарници во државата./У.Ј

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

О Г Л А С

                        за избор на 20 судии-поротници во Основен суд Велес

  1. Кандидатот за судија - поротник потребно е да ги исполнува следните услови:
  1. да е полнолетен државјанин на Република Северна Македонија
  2. да има завршено најмалку средно образование
  3. активно да го владее македонскиот јазик
  4. да ужива углед за вршење на функцијата судија-поротник
  5. да не е постар од 60 години.

            II.За судија-поротник не може да биде избрано лице кое со судијата или судијата-поротник во истиот суд е во сродство во права линија или во странична линија до трет степен или е негов брачен другар, ниту лице кое со член на Судски совет на РСМ е во сродство во права линија или во странична линија до трет степен или е негов брачен другар.

            III.Заинтересираните кандидати потребно е да поднесат пријави и документи и тоа:

            -Диплома за завршено образование (оригинал или заверена на нотар),

            -Уверение за државјанство,

      -Потврда од казнена евиденција (издадена од суд според местото на раѓање).

            IV.Пријавата со потребните документи да се достават до Основен суд Велес (на приемна писарница или преку пошта со препорачана пратка) на адреса ул.„8-ми Септември“ бр.53, во рок од 15 дена од објавувањето на огласот.

                                                                                                   ОСНОВЕН СУД ВЕЛЕС

 
   
   
   
   

Најново