Submit to FacebookSubmit to Google PlusSubmit to TwitterSubmit to LinkedIn

biblioteka

17.02.2021

Забележливо е дека повозрасните граѓани најголем дел од слободното време го поминуваат дома, тоа го налагаат здравствените протоколи воведени од страна на Владата поради ковид пандемијата. Но голем дел од нив читаат книги. Зачленети се во градската библиотека „Гоце Делчев“ и на располагање го имаат големиот фонд на книги. 

Еден од најчесто читани жанрови е мотивациониот, покажува евиденцијата на библиотеката во Велес. И во услови на Ковид-19 читањето е зголемено за што придонесе набавката на околу 900 нови наслови од повеќе издавачки куќи со различни жанрови.

-Во детскиот оддел најчесто децата земаат и читаат лектирни изданија, кои им се зададени од училиште додека повозрасните земаат тинејџерски романи. Во одделот за возрасни најчесто се изнајмува белетристика и тоа од сите жанрови, трилери, љубовни романи, психолошки, мотивациски книги и друго што сметам дека зависи од расположението и од тоа кои се најактуелни наслови издадени и промовирани од страна на издавачките куќи, рече Гордана Васковска в.д директор на Локална библиотека „Гоце Делчев“ во Велес.

direktorka

Библиотеката исто така организира онлајн промоции како замена за физичкото присуство на граѓаните при претставувањето на писатели како од Велес така и од Македонија. Тоа како новина го налага ковид пандемијата. Велес е град што ја негува културата па затоа библиотеката, како локална установа , дава и особена поддршка на млади таленти.

-Се одбележа Светскиот ден на читањето на глас. Тоа се случи на 3 февруари, со цел да се влијае врз свеста за читање кај помладата популација. Исто така се одбележа и 14 февруари, меѓународниот ден на дарување на книга. Минатата недела учествувавме на он лајн промоција на првата книга „Среќната девојка“ на ученичката Вероника Саздова и се надеваме дека во наредниот период повеќе од промоциите ќе ги одржуваме со физичко присуство, во зависност од ситуацијата со пандемијата во нашиот град, додаде Васковска.

knigi

Во моментов оваа локална културна инситутицја работи само со четири вработени и во една смена од 8:00 до 16:00 часот. Поради корона кризата но и намалениот персонал ревизијата на книжевен фонд за 2020 година се’ уште не е завршена. Од градската библиотека ги замолуваат сите читатели кои ги немаат вратено книгите што ги земале минатата година тоа да го направат што поскоро, со цел институцијата да ја заврши ревизијата и книгите да бидат достапни за други редовни читатели.

Стефани Манева

 

 

SEMM baner MK

Поврзани вести

SInalco PES 2021 web Baner 300x250 Duma

Х Фактор Акцелератор ја најавува својата нова Инвестициска програма и инвестиции до 100.000 Евра

 

Најактивниот акцелератор во Македонија Х Фактор Акцелератор ја најавува својата нова Инвестициска програма и инвестиции до 100.000 Евра во стартап фирми и дополнителна техничка поддршка, менторство и пристап до компании. Повикот е отворен за пријавување до 15ти Март, со вкупен буџет за инвестиции од 300.000 Евра кои ќе се инвестираат во 3-5 компании.

X Фактор Акцелератор е првиот од трите акцелератори поддржани од ФИТР преку Светска банка, кој во изминатата година реализираше две инвестиции во вкупен износ од 200.000 евра во стартап – тимовите на Матриошка и Vision Dynamix.

Оваа година и покрај предизвиците на корона кризата - X Фактор Акцелератор продолжува да креира средина која го стимулира и поттикнува развојот на новите бизниси преку поддршка на растот за регионална/глобална експанзија.

Кои критериуми треба да ги исполнат стартапите за да аплицираат на повикот?

Што бараме од компаниите како услов за влез во Инвестициската програма:

  • Оформен, искусен и посветен тим,
  • Оформен производ кој е во фаза на пазарна валидација,
  • Продажба на први клиенти,
  • Компанијата да е регистрирана во Р.С.Македонија, со најмалку 51% Македонска сопственост.

Оваа година фокусот е на иновативни решенија од било која дејност, со глобален потенцијал на раст.

 

Што добиваат стартапите во рамки на Инвестициската програма?

Оваа програма има за цел да ги донесе компаниите што побрзо до инвестиција и нови пазари. За таа цел X Фактор Акцелератор ќе започне со преговори за инвестирање и менторска поддршка со 5 до 10 од аплицираните компании преку:

  1. Специјализирана менторска програма спроведена од нашиот тим, како и од искусни ментори од партнерските организации: ФИТР, World Bank, SwissEP, Startup Macedonia, Senior Experts Program.
  2. Покрај експертската помош, акцент ќе ставиме на валидација на постоечките решенија и бизнис модели за пристап до локалните и интернационалните пазари со искусните тимови на нашите корпоративни партнери како Oracle for startups и други локални и глобални корпорации.
  3. Техничка поддршка за компаниите преку унапредување на нивната маркетинг стратегија, дигитално присуство и развој на бренд со тимот на Monday дигитална агенција, дополнителен развој и/или валидација на софтверски решенија со екпертска поддршка на ИТ професионалци од SkillUp Academy и пристап до нови пазари преку 36 Chambers.

Најважниот ресурс кој го добиваат стартапите за време на програмата, освен финансииите е целокупната поддршка за вмрежување и зголемување на видливоста на бизнисите.

Акцелераторот овозможува размена на знаења и искуства помеѓу самите претприемачи, од каде што има огромен потенцијал за произлегување на голем број нови партнерства.

  

Каков е процесот на апликација?

  1. 18.02 Изјавување на Интерес: Апликациите се одвиваат преку нашиот вебсајт со испраќање на краток опис на бизнис идејата со пополнување и прикачување на апликациска форма во коja се објаснува бизнисот,
  2. 09.03 Ask me Anything: Сесија во живо за да праша публиката сѐ што ги интересира;
  3. 15.03 Евалуација: Апликациите кои од страна на Комитетот за евалуација на проекти ќе се оценат дека се најиновативни и имаат потенцијал за раст ќе се квалификуваат за влез во следната фаза;
  4. 20.03 Валидација: Во оваа фаза селектираните тимови треба да поднесат дополнителни документи Pitchdeck, Финансиски проекции, CaseStudy со кои би се потврдиле првичните бизнис концепти и презентирање пред Евалуациониот Комитет;
  5. 01.04 Преговори и Менторство: Вклучување на 5-10 компании во 8 неделна Инвестициона програма и подготовка на компанијата за инвестиција преку, менторство, експертска поддршка, состаноци со потенцијални клиенти и партнери како и преставување на локални и регионални настани. Во текот на програмата тимот на X Фактор Акцелератор ќе го отпочне процесот на Due diligence со тимовите;
  6. 01.06 Демо ден: Стартапите презентираат пред Инвестицискиот одбор и мрежата на партнери, корпорации и инвеститори кои ќе ги одберат компаниите со кои ќе се започнат финалните преговори за инвестиција;
  7. 01.07 Потпишување на Инвестиционен договор: Финализирање на преговарачкиот процес и потпишување договори за инвестиција.

Што да очекувам од X Фактор Акцелератор?

X Фактор Акцелератор има за цел да направи инвестиција во период од 4-6 месеци од аплицирање во програмата во износ од 30.000 до 100.000 евра по компанија, зависно од фазата на развој. X Фактор Акцелераторот има за цел да стане малцински содружник, со процентуален удел во компанијата кој е предмет на преговори. Претставник на акцелераторот ќе добие место во бордот на директори и континуирано ќе помага во донесување на стратешки одлуки и поврзување на компанијата со потенцијални партнери, клиенти и интернационални инвестициони фондови.

 

Овогодинешниот повик официјално е започнат и вашите апликации ги очекуваме до 15ти Март 2021 година преку веб страната на Х Фактор Акцелератор: http://xfacc.mk/

Одговорно лице за контакт: Јозефина Симитчиева 078 377 504

 
   
   
   
   

Најново